Abuztuaren 23an erreskatatu zuten Gamarrako (Gasteiz) igerilekuetan, uretan konorterik gabe zegoela. Harrezkero Gurutzetako erietxean egon da, baina gaur hil da lau urteko haurra, oxigeno ezak eragindako kalteetatik ezin osatuta.
26 egun eman ditu erietxean umeak. Abuztuaren 23ko 14:30 inguruan, igerilekuetako batean zegoen pertsona bat ohartu zen ume bat ur gainean zegoela, konorterik gabe. Sorosle batek atera zuen uretatik, bihotz-biriketako geldialdian zegoela.
