Hil egin da herenegun Kontxako barandatik behera erori zen gaztea. 26 urteko gizona da hildakoa, Valentziakoa. Oso larri zegoen atzo mutila, Donostia ospitaleko zainketa intentsiboetako unitatean.
Juan Karlos Izagirre Donostiako alkateak eman du albistea. Brindis ofiziala egitea aurreikusia zuen Donostiako Udalak, Aste Nagusiaren orain arteko balorazioaz gain. Horren aurretik, baina, baieztatu du hil egin dela Valentziako gaztea. Aurtengo Aste Nagusia "tristea" dela adierazi du Izagirrek, batetik, Mikel Arzak gaztearen heriotzagatik, eta, bestetik, Valentziako gaztearenarengatik. Familiakoei doluminak eman dizkie.
