Gaur hilobi bat ireki dute Polloen (Donostia), 1962ko usteko ume lapurtu baten kasuaren harira. Hobian "hondakin batzuk" agertu direla azaldu dute, baina lurrarekin izan duen kontaktuagatik egoera "kaskarrean" zeudela jakinarazi dute. Horrek ikerketa zailduko duelakoan daude ikerlariak.
Haurraren amak adierazi du 24 ordu egon zela erditzen eta gero esan ziotela haurra hilda jaio zela. Umea ikusi ere ez zuela egin azaldu du, eta hor hasi zela "susmatzen". Jaiotzaren eta erditzearen daturik ez zegoela ikusita jarri zuen salaketa.
