Gertakaria
Hiltegitik ihes egin duen zekor bat tiroka hil dute Tolosan
Tolosako (Gipuzkoa) hiltegitik alde egin duen zekor bat tiroka hil du Ertzaintzak gaur goizean, Jaurlaritzako Herrizaingo Sailak azaldu duenez, inguruetan zebiltzan oinezkoak zein ibilgailuak arriskuan jar zitzakeelako.
Goizeko zazpiak aldera ihes egin du zekorrak udal hiltegitik, aberea kamioi batean sartzeko ahalegina egiten ari zirenean. Larramendi kalera joan da zekorra, eta han bidea itxi diote N-1 errepidera irten zedin eragozteko. Tolosa erdialdera abiatu da orduan, baina Gorritiko zubiaren parean tiroka hil dute ertzainek.
Iruzkinak
Ez dago iruzkinik
Ordenatu
