Hego Euskal Herriko lau herrialdeetan ari da parte hartze datua handiagoa izaten Espainiako Gorteetarako hauteskundeetan. 18:00etarako, Nafarroan, Gipuzkoan, Araban nahiz Bizkaian joan da jende gehiago bozkatzera 2011ko hauteskundeetan baino.
Araban hazi da gehien parte hartzea duela lau urteko bozekiko: ia lau puntu. Nafarroan eta Gipuzkoan hiruna puntuan hazi da 18:00etara arteko parte hartzea, eta Bizkaian, berriz, %2,4.
Nafarroa %58,81 (2011n, %55,82)
Araba %57,48 (2011n %53,51)
Gipuzkoa %57,80 (2011n %54,63)
Bizkaia %60,10 (2011n %57,65)
Eguerdirako ere, gora
Eguerdiko 14:00ak arteko datuen arabera, gora egin du parte hartzeak Hego Euskal Herrian. Lurraldeka, Gipuzkoan igo da gehien, %39,71 (2011n %37,94koa izan zen).
Ondoren, hurrenez hurren, leudeke Araba %37,73ekin (%36,13); Nafarroa %39,68rekin (%39,11); eta Bizkaia %39,66rekin (%39,18).
