Hiru gizon atxilotu dituzte Lemoizen kablea osteagatik

Ertzaintzak hiru gizon atxilotu ditu, Lemoizko zentral nuklearreko instalazioetan kablea lapurtu izana egotzita. Herrizaingo Sailak jakinarazi duenez, zentralaren segurtasunaz arduratzen direnek eman zioten abisua Ertzaintzari. Hiru lagun atzeman dituzte, eramateko gertu kobre ugari zeukatela.