Hiru mendizale onik atera dituzte Anboton; elur-jausi batek harrapatu ditu

Ertzaintzak eta Eusko Jaurlaritzako larrialdi zerbitzuek 20 eta 32 urte arteko hiru mendizale salbatu behar izan zituzten atzo arratsaldean Anboto mendian (Bizkaia), elur-jausi batek harrapatu baitzituen. Ekialdeko aldetik ari ziren mendatea igotzen, eta Arrazola auzotik 500 metrora zeudela, elur-jausiak harrapatu zituen. 10-15 segundo egon ziren harrapatuta, eta zauritu egin ziren. 12:30 aldera izan zen istripua, eta mendizaleek beraiek deitu zuten larrialdietara, gertatutakoaren berri emanez. Hegazkinez salbatzen saiatu ziren, baina haizeagatik ezin izan zuten. Ondorioz, oinez egin behar izan zuten.17:00etan onik atera zituzten, eta Galdakaoko erietxera eraman zituzten medikuak artatzeko.