Hiru ordu behar izan dituzte kaxalotea eramateko

ZARAUTZ. Ostiral gauerdian bukatu ziren Zarauzko hondartzan (Gipuzkoa) agertu zen kaxalotea eramateko lanak, hiru orduko jardunaren ostean. Plaia garbitzeko traktoreari bi garabi gehitu zizkioten,30 tonako pisua zuen animalia kamioi batera igo ahal izateko. Lurperatuko duten tokira eraman aurretik, Aranzadi Zientzia Elkarteak azterketak egingo dizkio baleari, heriotzaren kausa zehazteko.