Zereal zelai batean piztu da sua Espartzan, 14:30 aldera, Nafarroako Gobernuak jakinarazi duenez. Cordovillako, Lizarrako eta Tafallako suhiltzaileak lanean ari dira, eta bi helikoptero ere ari dira sutea itzaltzeko ahaleginetan. Kontrolpean dute.
Zizur Nagusiko igerilekuak hutsarazi dituzte, eta suhiltzaileak bertatik aritu dira ura hartzen.
Zizurko sutea, Iruñetik ikusia @berriapic.twitter.com/f8fRV7wN3x
— Ion Orzaiz (@IonOrzaiz) 2017(e)ko ekainak 22
Espartzakoa kontrolatuta, Lizarra eta Tafallako suhiltzaileak Aratzuriko sutea amatatzeko lanetan aritu dira. Kea dela-eta, Gazolazko biztanleak herritik aterarazi dituzte, badaezpada. Iluntzerako, ordea, sutea kontrolpean hartu dute, eta Gazolazko biztanleek etxera itzuli ahal izan dute. Gainera, beste bat piztu da arratsaldean Artaxoan.
Azken egunetako beroak erraztu egiten du suteak piztea. Abisu horia emana dago Nafarroa erdialdean tenperatura beroengatik, baina espero da ostiraletik aurrera giroa freskatzea.
