"Agintearen aurkako atentatua" egotzi diote zigortutakoari, fiskalak eskatu bezala. Epaituek ohar bidez salatu dute ertzain baten testigantza erabili duela epaileak oinarri bakar gisa, eta ez ditu kontuan hartu haien arteko kontraesanak. "Ertzainek pertsona bat zauritu zuten, eta, gerora, haiei eraso egin izana egotzi zioten. Hain zuzen, kanpotik jaurtitako pilotakadetako batek zauritu zuen kidea".
Usurpazio delitua zen epaitutako 23 lagunei egozten zieten delitu nagusia, eta halakorik ez zela egon ebatzi du epaileak. Besteak beste, eraikinaren jabe zen Cabisa enpresak "eraikina saldu edo aloktzeko inolako asmorik" ez zuela jaso du epaileak sententzian.
"Bi munduren arteko talka"
Urtarril amaieran izan zen epaiketa. Ertzainek, besteak beste, esan zuten pilotakada bakarra bota zutela barrura, eta proiektuaren alde agertu ziren Errekaldeko auzo elkartekoak: "Auzoaren arima zen".
"Kukutza kendu ziguten, eta mendekuarekin jarraitu nahi dute", salatu dute epaituek: "Epaiketa honetan, bi munduren arteko talka argi geratu da. Gure aldetik, aurrera jarraitzen dugu, okupatzen eta gure bizitzak guk geuk kudeatu eta defendatzen". Deialdiei adi egoteko eskatu dute.
