Hodei toxiko batek hiru langile toxikatu ditu Iruñean, Virgen del Camino ospitalean

Erreakzio kimiko batek hodei toxikoa sortu du gaur Iruñean, Virgen del Camino osptitalean, Anatomia Patologikoaren Zerbitzuan, eta, hodeia sotora hedatu ostean, ospitaleko hiru langilek toxikazio arinak izan dituzte. Larrialdi zerbitzuetako langileak dira.

Nafarroako Gobernuak jakinarazi duenez, gertaera goizeko hamaika eta erdietan izan da, eta, Anatomia Patologikoaren Zerbitzuari ez ezik, osatze eta kirofanoen guneei ere eragin die. Bertako langileak eta gaixoak atera egin behar izan dituzte, ospitaleko larrialdi plana betez.