Paueko prefetak eta Baionako suprefetak Hendaiako ikastolaren eraikuntza trabatu ondoren, aurtengo bestaren garrantzia handia dela erran du Hur Gorostiaga Seaskako zuzendariak. Ikastolen eraikuntzak egiteko legea da traba oraindik, eta oraindik prefetak ez du jakinarazi zin egindako "konponbidea".
Bertze alde batetik, Patxi Lopez Jaurlaritzako lehendakari ohiak 400.000 euroko diru laguntza hitzartu zuen Seaskarekin. Diru hori sekula ez dela heldu erran du Gorostiagak. Alta, eraikuntza lanak abiatu zituzten, eta orain hutsune hori nola bete atzeman beharko du Seaskak. Trabak gainditzeko sekula baino jende gehiago biltzea igurikatzen du Seaskak. Batetik, euskararen aldeko dinamika sustatzeko, eta, bertze aldetik, ikastolen garapenak behar duen ditu iturria bermatu ahal izateko.
