Bihar izango da Martin Ugalde Foroko hurrengo saioa, gaitzat Hondakinen kudeaketa hartuta. Mahai inguruko hizlariak: Juan Carlos Alduntzin, Gipuzkoako Ingurumen diputatua (Bildu); Maria Eugenia Arrizabalaga, Eusko Legebiltzarreko EAJko kidea; eta Denis Itxaso, Donostiako PSE-EEko zinegotzia.
Andoainen izango da ekitaldia, Martin Ugalde kultur parkeko areto nagusian, 19:00etan. Deialdia irekia da. BERRIA.INFOk zuzenean emango du hitzaldia.
BERRIA egunkariak eta Martin Ugalde kultur parkeak antolatzen dute foroa, eta, batik bat, euskal gaiak jorratzen dituzte. 2005eko azaroan sortu zuten.
