Ibai Aiensa, Iker Isiegas eta Sergio Medina atxilotu ditu Espainiako Poliziak Iruñean, Garzonen aginduz

Espainiako Poliziak Ibai Aiensa Laborda, Iker Isiegas Garisoain eta Sergio Medina Asanta atxilotu zituen atzo gauen Iruñean Espainiako Auzitegi Nazionaleko Baltasar Garzon epailearen aginduz. 1999ko abenduaren 29an auto baten barruan Iruñean lehertu zen lehergailu batekin zerikusia dutelakoan atxilotu dituzte hiru gazteak. Aiensa otsailaren 23an atera zen espetxetik baldintzapeko askatasunean Espainiako Auzitegi Nazionaleko Guillermo Ruiz Polanco epaileak hala aginduta.