Ibarraren ustez, 'Parot doktrinaren' kontrako epaia berretsiko dute

EAEko Auzitegi Nagusiko presidente Juan Luis Ibarraren ustez,Parot doktrina gisara ezagutzen den 197/2006 doktrinaren kontrako epaia berretsiko du Estrasburgoko Giza Eskubideen Auzitegiak, baldin eta Espainiak jarritako helegitea onartzen badute. Radio Euskadin egin dioten elkarrizketan esan duenez, «zigor legezkotasunaren kontrakoa» da Espainiako auzitegiek aplikatzen duten doktrina hori. Halaxe ebatzi zuen Auzitegiko Sala Txikiak ere, baina Espainiak epaiaren kontrako helegitea iragarri du.

Josu Uribetxebarria gaixo larri dagoen presoaren auziari buruz ere hitz egin zuen, eta esan zuenaztertu behar dela haren gaixotasuna larria eta sendaezina den eta espetxean egoteak egoera okertuko duen. Gai «korapilatsua» dela esan arren, ohartarazi du horri begiratu behar zaiola.