"Zapaterori esan diot ezinezkoa dela Espainiako Estatuan batasun bat izatea guk onartzen ez badugu, eta nola ez, errespetatu egin behar duela euskal gizarteak onartutakoa", agertu du Ibarretxek batzarraren ostean. Jaurlaritzako lehendakariak errespetua eta elkarrizketarako borondatea eskatu ditu.
Espainiako Herri Admnistrazioko ministro Jordi Sevillak berriz, desadostasunak desadostasun bilerarekin gustora daudela esan du, estatuaren erreformari ekiteko baiezko borondatea azaldu duelako "estatu proiektu" horren barnean egoteko. "Konstituzioaren eta estatutuen erreforman Euskadi isolatua ez geratzea da helburua".
Ibarretxe Zapatero bilera
Ibarretxe: "Estatuaren proiektu komunean parte hartzeko prest gaude"
Eusko Jaurlaritzako lehendakari Juan Jose Ibarretxe eta Espainiako gobernuburu Jose Luis Rodriguez Zapatero gaur bildu dira, Madrilgo Moncloan jauregian. Bi ordu eta erdiko bileraren ondoren Ibarretxek esan duenez, prest dago "estatuaren proiektu komunean" parte hartzeko, baina beti ere euskal gizarteak hala nahi badu . Espainiako Herri Admnistrazioko ministro Jordi Sevilla, berriz, pozik agertu da Ibarretxek "Espainiaren proiektu komunean" parte hartzeko borondatea azaldu duelako. Ibarretxek hiru urte zeramatzan Moncloara joan gabe, eta elkarrizketa berreskuratu izanaren garrantzia azpimarratu du.
Iruzkinak
Ez dago iruzkinik
Ordenatu
