Ibarretxe eta Otegi bihar bilduko dira, Ajuria Enean

Apirilaren 17an EAEko legebiltzarra osatzeko hauteskundeak eginda, Eusko Jaurlaritzako jarduneko lehendakari Juan Jose Ibarretxe alderdi guztiekin biltzen hasi zen, gobernuaren osaketaren inguruan eta egoera politikoaren gainean hitz egiteko. Legebiltzarrean eserlekuak lortu dituzten alderdiekin bildu zen joan zen astean, eta bilera horiek eginda, Batasuneko bozeramailea Arnaldo Otegirekin eta Espainiako gobernuburu Jose Luis Rodriguez Zapaterorekin ere bilduko zela iragarri zuen.