Igande goizealdean Bilboko Bolueta auzoan ustez izandako sexu erasoa ikertzen ari da Ertzaintza. Biktimak berak ipini du salaketa. Diskoteka batetik irten eta handik gertu bortxatu zutela salatu zuen.
Atzo goizean, emakumea Bilboko osasun zentro batera hurbildu zen laguntza eske eta bertatik ospitalera eraman zuten. Han, protokoloa aktibatu eta zenbait froga egin zizkioten. Segurtasun Sailak azaldu duenez, froga horietaz eta diskotekako kamerek hartutako irudietaz baliatuko da Ertzaintza ikerketari aurre egiteko.
