Igandean galdeketa egingo dute Igeldon. BERRIAk jakin ahal izan duenez, Espainiako Estatuaren abokatuaren eskaria atzera bota du auzitegiak, eta baiezkoa eman dio kontsultari. Donostiatik bereiztearen aldeko ote diren edo ez galdetuko diete herritarrei.
Estatuaren abokatuaren argudioa zen galdeketa antolatzeko ahalmenik ez daukala Gipuzkoako Foru Aldundiak, Espainiako Gobernuaren baimena behar duela horretarako. Diputazioak zioen baietz, aukera ematen diola legeak horretarako. Aldundiak argudiatu du kontsulta soila izango dela igandekoa, galdeketa, ez dela loteslea izango, eta, beraz, antola daitekeela.
