Ertzaintzak eman du gertaeren berri. Igorreko (Bizkaia) Batz enpresaren emakumeentzako aldageletan bideokamera bat jarri zuen gizonezko batek; atzeman zuten, eta orain inputatu egin dute, intimitatearen kontrako delitu bat egitea leporatuta.
Denbora gutxian gertatu den hirugarren kasua da. Iazko azaroan, Getxoko Fadura kiroldegian aurkitu zituzten kamerak, emakuzmekoen aldageletan. Joan den abenduan, berriz, Azpeitian (Gipuzkoa) gertatu zen gauza bera; Lagun Onak futbol taldeak salatu zuen kamera bat aurkitu zutela nesken aldageletan, Garmendipe futbol zelaian.
