Inaki Irazabalbeitia Gipuzkoatik, Iñaki Aldekoa Arabatik eta Azucena Serrano Bizkaitik izango dira Aralarren zerrendaburuak Espainiako hauteskundeetan Kongresurako -martxoaren 9an izango dira bozak-. Helburua: Madrilen ordezkaritza lortzea lehen aldiz, "Euskal Errepublika defenditzeko".
Irazabalbeitia 2003an Gipuzkoako ahaldun nagusi izateko hautagaia izan zen, Aldekoak ezker abertzalean ibilbidea luzea dauka eta gaur egun Arabako Batzar Nagusietan Aralarren bozeramailea da, eta Serrano erizain laguntzailea da.
"Ezkerreko" politika egiten saiatuko litzateke Aralar Kongresuan: hondakinen arloan, pentsioetan, abortuan, inmigrazioan...
Espainiako Senaturako zerrendaburuak ere aurkeztu ditu alderdiak gaur: Aser Lertxundi izango da Gipuzkoakoa burua, Josetxo Urresti Arabakoa eta Begoña Campo Bizkaikoa.
Aralar Nafarroan NaBai koalizioan aurkeztuko da, EA, EAJ eta Batzarrarekin batera, eta Uxue Barkos eta Koldo Martinez independenteak izango dira zerrendaburuak Kongresurako eta Senaturako.
Politika
Inaki Irazabalbeitia, Iñaki Aldekoa eta Azucena Serrano, Aralarren zerrendaburuak Espainiako Kongresurako
Madrilen aurreneko aldiz ordezkaritza lortzea du helburu, "Euskal Errepublika defenditzeko".
Iruzkinak
Ez dago iruzkinik
Ordenatu
