Inclanek ziurtatu du ez zela iruzurrik izan Osakidetzan

GASTEIZ. Osakidetzan iruzurrik ez zela izan esan zuen atzo Eusko Jaurlaritzako Osasun sailburu ohi Gabriel Inclanek. Kontratu denak legea betez egin zituztela azaldu zuen Eusko Legebiltzarrean, auzia ikertzen ari den batzordera joanda. Haren arabera, «amarrua» da guztia, eta egungo Osasun Sailaren «porrota» ezkutatu nahi dute .