Ondoko hilabeteotan arlo ezberdinetan eragitea da xedea. Batera plataformak mobilizazioak antolatuko ditu, eta Hautetsien Kontseilua Herri Elkargo guztiekin bilduko da lurralde elkargoaren xedean sakontzeko. Gisa berean, eskuin zein ezkerreko diputatu eta senatariek emendakinak osatuko dituzte lurralde erreformaren barnean Euskal Herriaren aitopena ageri ez bada.
Koordinaketa horren partaide izanen dira Frantziako Deszentralizazio ministroarekin bildu ziren ordezkariak, diputatu eta senatariak, Hautetsien Kontseilua, Biltzarra, Baionako Merkataritza eta Industria Ganbera eta Batera plataforman dauden herri mugimenduak.
"Ipar Euskal Herriak behar duen gobernantza ereduan adostasun zabala dagoela erakutsi behar dugu, Frantziako presidenteak eta gobernuburuak kontuan har dezan erreforma burutzen delarik", erran du Jean Jacques Lasserre Hautetsien Kontseiluko presidenteak koordinaketaren izenean.
