Arrigorriagako (Bizkaia) Indusal enpresari espediente bat irekiko dio Emakundek, ustezko genero diskriminazioarengatik. Kasua ikertzeko agindu du Emakundeko zuzendari Maria Silvestrek, eta datozen asteeetan enpresako zuzendariarekin bilduko dela iragarri du.
Indusalek 25 langile kaleratzeko erregulazio dosierra aurkeztu zuen urte hasieran; LABek adierazi duenez, 25 horietatik 21ek hartu zuten parte 2008ko lanuzte batean. Lanuzte hura lantokian pairatzen zuten genero diskriminazioa eta prekarietatea salatzeko egin zuten. Langileen arabera, lan berbera egin arren, emakumezkoen eta gizonezkoen soldaten artean 300 euroren aldea zegoen. Sindikatuen ustez, lotura dago lanuzte haren eta oraingo kaleratzeen artean.
Indusal enpresako ustezko genero diskriminazioa ikertuko du Emakundek
Enpresak kaleratu nahi dituen langileen %85ek protesta bat egin zuten, genero diskriminazioa jasan zutela salatzeko
Iruzkinak
Ez dago iruzkinik
Ordenatu
