INDUSTRIETAKO ZABORREN BILTOKI

Dagoeneko martxan zegoen arren, atzo inauguratu zuten industriek sortutako hondakinak biltzeko planta, Gernikan (Bizkaia). Arriskurik gabeko zaborrak jasotzen dituzte bertan, eta dagoeneko 1.750 norbanako eta industriak eraman dituzte hara beren zaborrak. Kartoia, egurra, plastikoa eta abar jaso dituzte. Gai arriskutsuetarako 21 metro koadroko biltegi bat ere badu plantak. Azpiegitura eraikitzeko aurrekontua 200.000 eurokoa izan da.