Elkarrekin Podemos, PSE-EE, Ciudadanos eta PACMArekin batzarrak lotuta ditu Greenpeacek, eta gainontzekoekin hitzorduak datozen egunetan zehaztea espero du. Erakunde ekologistak energiaren, nekazaritzaren, arrantza iraunkorraren, hondakinen kudeaketaren, garraioaren eta mugikortasunaren alorreko proposamenak jasotzen dituen txosten bat emango die alderdiei.
Hurrengo legealdian Eusko Legebiltzarrak fracking-aren nahiz "Garoñako zentral nuklearra zabaltzeko saioen" aurrean posizio "irmoa" izatea nahi du Greenpeacek. Hondakinen kudeaketan, berriz, kudeaketa hori "hobetzera" deitu ditu alderdiak, Zabalgarbiko plantan errausteko aukera oro baztertuz eta Gipuzkoako Zubietako erraustegiaren proiektua behin betiko alboratuz".
Gainera, Greenpeacek proposatu du transgenikoen kontrako posizionamendua eta hondakinak atez ate biltzeko sistema "mantendu edo berreskuratzea".
