Iñigo Martinez Zaton izango da Ezker Anitza-IUren UP Unidad Popular hautagaitzaren zerrendaburua Bizkaian Espainiako Kongresurako hauteskundeetan. Gipuzkoako aurrenakoa Jon Hernandez izango da, eta Arabakoa, Carlos Tejerizo. Gasteizen aurkeztu ditu zerrendaburuak. "Gaurko sistemaren hausturarako hautagaitza bakarra da gurea", esan du UPk.
Haren arabera, sindikalgintzako, unibertsitateko, feminismoko, ekologismoko eta mugimendu errepublikarreko kideak daude taldean. Primarioen bidez hautatu dituzte ezkerreko koalizioko zerrendak.
Abenduaren 20an izango dira bozak.
