Inoizko kexu kopuru handiena jaso zuen iaz Nafarroako Arartekoak; 2.742. Besteak beste, euskara, memoria historikoa eta ingurumen gaiez kexatu ziren herritarrak. Nafarroako Parlamentuan eman ditu azalpenak Javier Eneriz arartekoak, eta kexu agertu da hainbat erakundek ez dituztelako aintzat hartzen eurek eginiko ohartarazpenak.
Arartekoan jarraituko duenetz ez dakiela esan du, eta Nafarroaren etorkizun hurbileko eginbeharra "elkarbizitza" dela azpimarratu du. "Nafarroa elkarbizitzeko espazio komuna dela onartu ezean, euskarari edota memoria historikoari buruzko kexek ez dute etenik izango", zehaztu du.
