Ipar Euskal Herriko eragileek prozesuaren alde egitea nahi du Batasunak

Konponbide prozesua aitzina joateko, Ipar Euskal Herriko eragile politiko eta sozialen parte hartze «aktiboa, zuzena eta indartsua» ezinbestekoa da, Batasunaren iritziz. Orain arte, arduradun politiko gehienek mantentzen duten isiltasuna «ezin onartuzko arduragabekeri itzela» dela adierazidute Xabi Larralde eta Jean François Lefort Batasuneko bozeramaileek, eta martxan den prozesuaren harira, gehitu dute «biharko Euskal Herriaren konfigurazioa marrazten hasi beharko» dutela eragile guztiek, eta «diren iritzi ezberdin guztiak kontutan hartuz» egin beharko dela prozesua.

«Prozesuak ezingo du azken geltokira heldu, ez baldin bada Frantziaren parte hartze zuzen eta aktiborik», Batasuneko kideen arabera. Hori hala, Jarrera errepresiboarekin bukatzea eta konponketaren alde pausoak emateko exijitu diote Parisi. Hala nola, errepresio mota guztien bukaera, euskal presoen Euskal Herriratzea, eri diren presoen askatzea eta adierazpen politiko guztiei libreki aritzeko baldintzak bermatzea.