PSOEko idazkari nagusiak iragarri du datorren irailean utziko duela Espainiako Kongresuan duen eserlekua. 21 urte egin ditu Alfredo Perez Rubalcabak diputatu karguan, baina politikagintza uztea erabaki du, "arrazoi pertsonalak" argudiatuta.
Buruzagi sozialistak Kongresuan eman du bere erabakiaren berri, eta nabarmendu ez dagoela diputatuarena baino postu "garrantzizko eta esker onekoagorik". Bide batez, eskertu egin du alderdikideen lana, eta Kongresuan egindako urteak "ohore bat" izan direla esan du.
Rubalcaba Madrilgo Konplutentsera itzuliko da ikasturte berrian.
