BERRIA eta Gara egunkarietan argitaratutako gutun bat idazteagatik jarri diete zigorra; "terrorismoa goratu" izana egozten diete. Zigorra salatzeko, manifestazioa egin dute Bilbon, Unamuno plazatik abiatuta, gazteei babesa adierazteko.
Aste honetan egin duten agerraldian salatu dute hitza "kendu" nahi dietela. "Iritzi delitu baten aurrean gaude". Horrez gain, oroimenaren eta "kontakizun bakarraren" lehia ikusten dute neurriaren atzean: "Gatazkaren kontakizunak hitzez, kantuz, idatziz, txiokatuz eraikitzeko eskubidea ezabatu nahi digute".
