Aurten, Nafarroako Gobernuak 44 irrati lizentzia banatuko ditu, eta Eusko Jaurlaritzak, 34. Lehiaketara aurkezteko epea zabalik dago jadanik, eta, gaiaren nondik norakoak aztertzeko asmoarekin, BERRIA egunkariak Komunikazioa orrian bihar hasi eta datozen asteburuetan erreportaje-elkarrizketa bat argitaratuko du, Irrati lizentziak Hego Euskal Herrian izenburuarekin.
Biharko erreportajean EAEn 1986tik indarrean dagoen dekretuak eta Nafarroan 1998tik dagoenak ekarritako ondorioak aztertuko ditu BERRIAk. Igandean, irrati lizentzien lehiaketa berriko xehetasunak azalduko ditu.
