Hirurogehi ikastetxek, udalek eta enpresek Irrizale izendapena jaso dute, Irrien Lagunak proiektuari urte hauetan emandako babesagatik. Joxe Mari Agirretxe Porrotx pailazoak eskerrak eman dizkie, eta ezinbestekotzat jo du haiekin duten elkarlana. “Denen arteko elkarlana ezinbestekoa da, aurrera begira dauzkagun ilusioak, ametsak eta proiektuak bete ahal izateko”. Elkarlan horren helburua argia da: “Euskara gizarte balioekin lotu nahi dugu: elkartasunarekin, berdintasunarekin, auzolanarekin, hirigintzarekin...”.
Izendapena jaso dutenek proiektuak urte hauetan izandako ibilbidea ezagutzeko aukera izan dute. Denek nabarmendu dute egitasmoak umeei irribarrea eragiteko, euskara sustatzeko eta gizarte balioak zabaltzeko egindako lana. Eskertuta azaldu dira izendapenagatik.
