FSM Munduko Federazio Sindikalak sostengua adierazi die «Euskal Herriko gatazka politikoa konpontzera bideratutako urrats guztiei», Atenasen (Grezia) egin duen biltzarrean, eta zabaltzen ari den «agertoki berriak» alderdi guztien arteko «elkarrizketa eta negoziazioa» bultzatu beharko lukeela esan du, «gatazka politikoa konpondu ahal izateko».
Espainiako Gobernuari ere eskaera zuzena egin dio FSMk: «Bake prozesuarekin konprometitu dadila, horretara bideratutako urrats guztiak eginez».
«Orain, beharrezkoa da ezker abertzalea legeztatzea, giza eskubide guztiak eta eskubide zibil eta politikoak errespetatzea, eta elkarrizketa eta negoziazio prozesuan alderdi guztiak engaiatzea», dio FSMren deklarazioak. Munduko federazio horretako kidea da LAB sindikatua.
Irtenbide negoziatuaren alde azaldu da FSM
Munduko erakunde sindikalak alderdien arteko elkarrizketak hasteko eskatu du, gatazka konpontzeko
Iruzkinak
Ez dago iruzkinik
Ordenatu
