Iruin: "De Juanari argazkiak ateratzea ez da legez kanpokoa"

Alfredo Perez Rubalcaba Epainiako Barne ministroak Iñaki de Juanaren abokatuei presoari argazkiak atera eta zabaltzea leporatu ondoren, jokabide hori ez dela legez kanpokoa ziurtatu du Iñigo Iruin abokatuak. "Ez dut haiekin [De Juanaren abokatuekin] hitzegiteko aukerarik izan, eta ez dakit egia den. Baina egia balitz ere ez da legez kanpoko ekintza bat, eta ezin da inola ere zigortu", esan du.

De Juanaren egoera larriaren berri ematen duten argazkiak haren abokatuek atera ziuztela ziurtatu zuen atzo Rubalcabak, Espainiako Senatuan. Halaber, jokabide hori medio, abokatuen kontrako neurriak iragarri zituen.