77 urteko andrazko bat da sutearen ondorioz hildakoa, eta itxura guztien arabera, bakarrik zegoen etxean garrak zabaldu zirenean. Artatu behar izan dituzten gainerako bizilagunen artean lau erietxera eraman behar izan dituzte, bertan artatzera. Kea arnasteak eragindako arazoengatik behar izan dute laguntza bizilagunek.
Sutearen berri gaur egunsentian izan dute larrialdi zerbitzuek, 06:10 aldera. Suhiltzaileek berehala atzeman dute lehen solairuko etxe bat zegoela sutan, eta hantxe bizi zen, hain justu ere, hil den emakumezkoa. Bertara sartzea lortu dutenerako, hilotz zen. Kea arnasteagatik hil dela uste da.
