irungo alardea
Irungo alkateak Alardean "gertatu ahal izan diren" erasoak gaitzetsi ditu
Irungo (Gipuzkoa) alkate Jose Antonio Santanok (PSE-EE) jaietako "normaltasuna" nabarmendu du gaur. Prentsa ohar baten bidez Santanok Irungo jaietan izandako "bizikidetza giroa" azpimarratu du. Halaber, "gertatu ahal izan diren" erasoak gaitzetsi ditu eta hurrengo urteetan berriz ez gertatzeko eskaera zabaldu du. San Martzial egunean emakumeek berdintasunean parte-hartzea bermatzen duen Alarde mistoa eragozten saiatu ziren Alarde tradizionalaren aldeko zenbait herritar.
Jose Antonio Santano Irungo alkateak gaitzetsi egin ditu joan den San Pedro eta San Martzial jaietan herrian izandako erasoak. Santanok dio "gertatu ahal izan diren" erasoak penatzen eta gaitzesten dituela. Hala ere, Irungo alkatearen ustez jaietan izandako normaltasun egoera nabarmentzekoa da: "milaka lagunek giro onean, adeitsuki eta errespetu osoz hiriko kale eta plazak betez ".
Iruzkinak
Ez dago iruzkinik
Ordenatu
