Espainiako Auzitegi Nazionalak zazpi urte eta erdiko zigorra ezarri eta Gorenak urtebete gehiago erantsi zion Ekaitz Samaniegori, ustez Segi gazte erakundeko kide izateagatik eta kale eraso batean parte hartzeagatik. Samaniegok ukatu egin ditu salaketak, eta defentsak, berriz, haren aurkako frogarik ez dagoela berretsi zuen. Baina une batetik bestera atxilo dezakete, zigorra betearazteko.
Samaniegoren familia, adiskide eta beste hainbat herritar, ordea, ez daude gaztea kartzelatzen uzteko prest. Hirurogeita hamar bat lagun inguruk itxialdia hasi zuten atzo Gasteizko Los Angeles elizan Samaniego babesteko. Gaztea ere bertan da, eta hainbat lagun kateatuta daude berarekin, bila badoazkio eraman dezaten eragozteko. Urte zahar egunera arte egingo dute itxialdia.
Itxialdia Gasteizen, gazte bat babesteko
Ekaitz Samaniego une batetik bestera kartzelatu dezaketelako, eliza batean itxi dira, gaztearekin batera
Iruzkinak
Ez dago iruzkinik
Ordenatu
