Izurde bat ikusi zuten atzo Barinatxeko hondartzan, Sopelan (Bizkaia). Arratsaldeko seiak aldera jaso zuen abisu bat Ertzaintzak; herritar batzuek poliziei ohartarazi zieten izurde bat ikusi zutela hondartza horretan. Hilik zegoen animalia.
Eusko Jaurlaritzako Segurtasun Sailak abisua eman zion Sopelako Udalari, eta hark hartu zuen animaliaren ardura. Gaur goizean eraman dute hilotza, garabi batekin.
