Espainiako Barne Ministerioak zabaldutako informazioaren arabera, Euskal Herrian, Espainian, Herrialde Katalanetan eta Galizian abiatu dute Armiarma IV operazioa, erakunde "terroristak" goratzea nahiz indarkeriaren biktimei "iseka" egitea leporatzen diete. Zehazki, ETA, GRAPO eta Terra Lliure aipatu ditu ministerioak. Gainera, azaldu du "herritarren elkarlana ezinbestekoa" izan dela.
Antsoainen atzeman dute horietako bat. Gainerakoak, Bartzelona, Coruña, Pontevedra, Tarragona, Valentzia, Alacant, Murtzia, Madril eta Granadan.
#ÚLTIMAHORA La @guardiacivil está desarrollando una operación contra el enaltecimiento del terrorismo en #RRSS. Hasta ahora hay 4 detenidos
— Ministerio Interior (@interiorgob) 2016(e)ko apirilak 13
2014ko apirilean egin zituen Espainiako Poliziak lehen atxiloketak sare sozialetan idatziriko iruzkinei lotuta. Lehen operazioan, hamabost lagun atzeman zituzten Euskal Herrian; 2014ko azaroan eginiko Armiarma II operazioan, berriz, 11. Iazko maiatzean egin zuten hirugarren sarekada, eta hamar lagun atxilotu.
Beraz, gaurko atxilotu kopurua zehazteke, Armiarma operazioetan 36 lagun atxilotu dituzte Araban, Bizkaian, Gipuzkoan eta Nafarroan. Espainiako estatuan 60 lagun baino gehiago atxilotu dituzte operazio guztietan, eta horietatik heren bati ezarri diete zigorrak —hogeiri—.
