Jauregiren oroitarria konponduko dute

TOLOSA. Juan Mari Jauregi Gipuzkoako gobernadore zibil ohiaren eta PSE-EEko zinegotzi izandakoaren omenezko oroitarriaren konponketa gastuak ordainduko ditu Tolosako Udalak. Bilduk eta Aralarrek dute agintea udal horretan. PSE-EEk ontzat jo du Tolosako Udalak egindako urratsa, eta, nahiz eta ekintza gaitzesteko mozioa ez zuten onartu, «garrantzitsua» dela adierazi du. Hala ere, mozioak «bere eragina» izan duela azaldu du PSEren Tolosako bozeramaileak.