Daniel Innerarity filosofo eta katedraduna Geroa Bairen zerrendan aurkeztuko da maiatzeko udal eta foru hauteskundeetan, alderdiak baieztatu duenez.
Josu Erkoreka Eusko Jaurlaritzako bozeramaileak gobernu kontseilu osteko agerraldian jakinarazi duenez, iragan astean jakinarazi zion Innerarityk Erkorekari hauteskundeetara aurkezteko eskaintza egin ziotela. "Biok pentsatu dugu onartuz gero egokia zela [Jaurlaritzako] Etika Batzordea utz zezala, horrelako organo batean independentzia eta inpartzialtasun irudia mantentzeko".
Txetxu Ausin Filosofia Politikoko doktoreak ordezkatuko du Innerarity batzordean, Erkorekaren esanetan.
