'18/98 auzia'
"Jazarpen prozesuak" amaitzeko Eusko Legebiltzarraren eskaera "esku-sartze larritzat" jo du Espainiako Botere Judizialak
EAJ, EA, Ezker Batua, Ezker Abertzalea eta Aralar taldeen ekimenez "jazarpen prozesuak" bertan behera uzteko eskatu zien atzo Eusko Legebiltzarrak Espainiako erakundeei, '18/98 auziko' epaiketaren harira. Gogor erantzun du gaur Enrique Lopez CGPJ Espainiako Botere Judizialaren Kontseilu Nagusiko bozeramaileak: botere banaketaren eta Justiziaren independentziaren aurkako "esku-sartze larria" dela iritzi dio, eta botere judizialaren funtzionamenduan ez duela eragingo oharrarazi du.
"Tankera horretako saio guztiak antzuak izango dira eta ez dute eragingo botere judizialaren funtzionamenduan", esan du Lopezek. Halaber, ekimen horren helburua botere judizialaren eginbideari "zilegitasuna kentzea" salatu du: "Zuzenbide Estatuaren, legea betetzearen eta legearen aurreko berdintasun printzipioaren adierazpen nagusi den botere judizialari zilegitasuna kentzea".
Iruzkinak
Ez dago iruzkinik
Ordenatu
