Pasa den igandean Angeluko auzapezgotza galdu ostean, Jean Espilondo politikari sozialistak gaur iragarri du politika utziko duela. Botoen %42,1 eskuratu zituen Espilondok bigarren itzulian, eta Claude Olive UMPko hautagaiak eskuratu zuen alkatetza.
Hautetsi atera zen Espilondo, baina kargu guztiak utziko dituela iragarri du, baita BAM Herri Elkargokoa ere.
1948. urtean Maulen jaioa, 2008. urtean hautatu zuten Angeluko auzapez. Aurretik kontseilari nagusi eta diputatu ere izan zen. Jakobino sutsua izan da; euskararen ofizialtasunaren aurka agertu da erabat eta berezko departamentua ere ez du inolaz ere begi onez ikusi.
