300 lagun inguru daude Iruñeko Sarasate pasealekuan, PSNren egoitzaren aurrean. Ez du ematen batzordearen bilera bukatu artean bertatik joateko asmorik dutenik. Polizia bertan da, sozialisten egoitzaren atera hurbil ez daitezen kontrolatzen.
PSN eta Barcinaren aurkako oihuak entzuten dira, eta Nafarroaren etorkizuna Nafarroan bertan erabakitzearen aldeko kartelak daude. Baita Jimenezek Barcinari botatako hordagoa gogoratzen duten aipuak ere, tartean, "Nafarroan ni naiz PSOE".
2007ko abuztua gogoan, jendea haserre dago PSNrekin. Orduko hartan, Ferrazen aginduak jarraituz, bertan behera geratu zen PSN eta Geroa Bairen arteko gobernua osatzeko akordioa. Zentsura mozioarekin, berdina gertatzearen beldur zen jendea.
