Asteartean amaituko zaio Hassanna Aalia gazte sahararrari Espainiako Gobernuak estatua uzteko emandako agindua, eta haren aldeko manifestazioa egin dute Bilbon. Jendetza elkartu da, tartean Aalia bera, eta harentzat asilo politikoa aldarrikatu dute.
Manifa amaitu da, aldarria eta borrokak ordea aurrera darrai #HassannaLibre#saharalibre izan arte! pic.twitter.com/kcF8xHAorc
— Askapena (@Askapena) January 31, 2015Mendebaldeko Saharako bandera askok jarri diote kolorea aterkipean joan den manifestazioari, Aalia babesteaz gain Sahara askatzeko eskatu baitute ibilbide osoan zehar. Marokoren eta Espainiaren jarrera salatu dute.
Denok gara #HassannaLibre! Asilo politikoa orain!! pic.twitter.com/dLwc2VTefR
— @jaloniker (@jaloniker) January 31, 201517 urterekin murgildu zen Sahararen eskubideen aldeko borroka baketsuan Hassanna Aalia (Aaiun, 1989), eta, 2010eko Gdeim Izik protesta kanpalekuko gertakarien ondorioz, bi aldiz epaitu eta bigarrenean bizi osoko espetxe zigorra jarri zion auzitegi militar batek. Torturak ez ezik defentsarako eskubidea urratu zaiola salatu dute giza eskubideen elkarteek. Hala ere, Espainiak ukatu egin dio asiloa. Elkartasun oldea piztu du haren auziak Euskal Herrian.
