2014ko urtarrilaren 8an atxilotu zuten Enparantza, beste zazpi lagunekin batera, Euskal Preso Politikoen Kolektiboko bitartekari taldeko izatea egotzita. Eta ordutik orain arte, "erabat bakartuta" eduki dute. "Muturreko arrisku arrazoiengatik" daukate egoera horretan, espetxe zuzendaritzak hala erabakita. Bihar aterako da espetxetik, baldintzapean, 25.000 euroko bermea ordainduta.
Egoera salatzeko, auzitara jo zuten haren senitarteko eta lagunek. 511 salaketa jarri zituzten, Segoviako (Espainia) espetxean bakartuta 511 egun egin zituenean. Hango zuzendariaren eta Espetxe Zuzendaritzako idazkari nagusiaren aurka jarri zituzten salaketak, prebarikazioagatik.
Hain justu gaur, elkarretaratzea egin dute Enparantza aske uzteko eskatzeko.
