Joseba Egibar EAJren GBBko burua izango da berriz ere. EAJren herrietako bileren bigarren erronda atzo amaitu zen, eta Gipuzku Buru Batzarra aukeratuta gelditu zen. Lehengo taldearen ildokoek jarraituko dute, eta zuzendaritza taldearen erdia berrituko dute. Sektore kritikoak ez du hautagairik aurkeztu prozesuan, eta beraien desadostasuna agertzeko boto zuria eman dute.
Jokin Bildarratz, Xabier Barandiaran, Bittor Oroz, Maite Peña, Iñaki Txueka eta Jose Miguel Uribarren izango dira GBBko kide berriak. Aurreko taldetik datozenak, berriz, Maria Eugenia Arrizabalaga, Xabier Arruti, Idoia Elorza, Jon Jauregi, Lourdes Jauregiberri, Bakartxo Tejeria, Idoia Yeregi eta Egibar bera.
Hilaren 24an berretsiko du zuzendaritza hori, EAJren Lurralde Batzarrak, Donostiako egoitzan. Hala, prozesua amaituko da.
Joseba Egibar izango da GBBko buru, eta berria izango da taldearen erdia
Lurralde Batzordeak martxoaren 24an berretsiko du jeltzaleen Gipuzkoako zuzendaritza berria
Iruzkinak
Ez dago iruzkinik
Ordenatu
