Espainiako Auzitegi Konstituzionalak azaldu duenez, presoak guztiz biluzaraztea "egoera batzuetan beharrezko neurria" izan daiteke espetxe bateko segurtasuna mantentzeko, baina gaineratu du neurri horrek ezin duela presoen intimitate eskubidea urratu. Horrela, argudiatu du modu egokian erabaki behar dela neurri hori "ezinbestekoa" den eta presoen intimitate eskubidea urratzen duen.
Halako neurri bat hartzeko, behar bezala argudiatu beharra dagoela adierazi du Auzitegi Konstituzionalak, eta ebatzi Jaengo espetxeak ez zuela hala egin Juan Carlos Balerdiri azaroaren 6ko eta 7ko bisiten ostean miaketa integralak eginda.
"Miaketaren beharra azaltzeko segurtasun arrazoiak aipatzea falta da", argudiatu du. Objekturen bat gordea zuen susmoa baino ez zuen aipatu Jaengo espetxeko zuzendaritzak, epaitegiaren arabera.
