Inork nahi ez zuen albistea baieztatu zen 2012ko apirilaren 9an: Iñigo Cabacas hil zen, Ertzaintzak lau egun lehenago botatako pilotakada baten ondorioz. Athletic eta Shalke 04 taldeen arteko futbol partidaren ostean, Bilboko Maria Diaz de Haro kalean izandako istiluetan jo zioten tiroa, eta horrek eragin zion heriotza, autopsiak baieztatu zuenez.
Senide eta lagunek ez dute ahaztu egun hartakoa, eta horren seinale, maiz atera dira kalera, manifestazio edo elkarretaratzeetan. Gaztearen herrian (Basauri, Bizkaia) haren izena daraman plaza inauguratu zuten martxoan. Gaur, LAB, ESK, EILAS, CGT eta CNT sindikatuek ekarri dute gogora, giza kate baten bidez. Horien ustez, PSE eta EAJ dira Cabacas hil izanaren eta gertaerak ikertu ez izanaren erantzule politikoak, eta horregatik egin dute protesta PSEren egoitzatik EAJrenera.
Giza katearen bidez, justizia eskatu dute, eta gaztearen heriotzaren "arduradun zuzenak zein politikoak" argitzeko.
Bideoa: Larunbatean Cabacasen omenez egindako murala (Basauriko Ernai).
[youtube]http://youtu.be/b7xbex2s80k[/youtube]
